Времето на големата тројка Ѓоковиќ – Надал – Федерер, која долги години владееше во тенисот, е минато.

Нова голема тројка се воспоставува, тоа се Јаник Синер, Александар Зверев и Карлос Алкараз, моментно на највисоките три места на АТП листата.

Зверев (27) сепак е под Синер и Алкараз, затоа што се уште нема освоено ниеден грен-слем иако играл на три финалиња.

Алкараз (21) веќе има четири грен-слем титули, Синер (23) има три.

Желбата на Зверев да освои грен-слем е голема.

Zverev.

“My goal is to compete with Jannik and Carlos for the biggest titles and for the world #1. There are some things that they do better than me so I need to improve on those things.” pic.twitter.com/o62HHrf1HM

— José Morgado (@josemorgado) February 20, 2025

– Сите знаете колку сакам да бидам грен-слем шампион и светски рекет број еден. Знам дека за да го постигнам тоа, ќе морам да се борам со Алкараз и со Синер бидејќи има работи кои тие ги прават подобро од мене. Морам да еволуирам во овие аспекти за да ги остварам моите соништа во светот на тенисот – вели Германецот.

Зверев моментно настапува на турнирот Рио АТП 500, а за влез во полуфиналето утре ќе се сретне со Франциско Комесана од Аргентина (86, АТП).