Поранешниот НФЛ играч Том Брејди не сакал да се разведе од својата поранешна сопруга, манекенката Жизел Бундшен, бидејќи се плашел дека ќе мора да ги поднесе истите родителски проблеми со кои се соочи по разделбата со Бриџит Мојнахан, изјави извор за „Дејли мејл“.

Парот, кој има две деца, објавија дека се разведуваат во октомври 2022 година, по 13 години брак. И покрај тоа што и двајцата продолжија со нови партнери, Жизел неодамна се „скрши“ за време на интервјуто кога зборуваше за нивното разделување, кое го спореди со „смртта на сонот“ и призна дека воспитувањето на Бенџамин (14) и Вивијан (11) во посебни домови било предизвик.

Изворите тврдат дека Том не сакал да го прекине бракот бидејќи се плашел да не го повтори „стресното“ искуство на одгледување деца како со другата поранешна партнерка.

„Том всушност би се согласил дека заедничкото родителство не е лесно“, изјавил ексклузивно изворот за „Дејли мејл“.

„Во нивната врска се изгуби многу љубов и не беше лесно да се плови низ нивните кариери и да се најде нова љубов. Слободно може да се каже дека Том и Жизел никогаш не очекувале да раскинат“,  додал изворот.

Том исто така го дели 16-годишниот Џек со неговата поранешна девојка Бриџит. Двојката се раздели во декември 2007 година, само неколку месеци пред да започне да излегува со Жизел.

„Никогаш не сакаше развод, особено откако му заврши врската со Бриџит“, тврдел изворот.

Понатаму, изворот инсистирал на тоа дека поранешната двојка на крајот ќе може да најде заеднички јазик.

„Едноставно е тажна ситуација бидејќи и на двајцата им е многу важно семејството. Фактот дека тие не се целосно семејство носи многу прашања за во иднина“, заклучил тој.

Поранешниот пар, наводно, чувствуваат дека влегуваат во особено „интересен период“ како сородители додека нивните деца стануваат возрасни личности.

Жизел Бундшен и Том Брејди се почастија со луксузен имот во „бункерот на милијардери“