Често мислиме на летните месеци како „релаксирачки“, изговор да се одмориме, да ги „наполниме батериите“ и да отидеме на некој толку потребен одмор. Но, летото исто така може да донесе и лудило од активности, бидејќи многумина од нас патуваат од фестивали до концерти, излети, а да не зборуваме за пијалоците со колеги после работа.

Додека се обидуваме да го искористиме максимумот од уживањето во доброто време , не е ни чудо што многумина од нас почнуваат да се чувствуваат малку исцрпени од временските услови, пишува „Д сан“.

Кејт Бител, медицинска сестра за ментално здравје во приватната клиника за рехабилитација „Деламер“ , објасни зошто се исцрпуваме, што да избегнуваме за да ја зачуваме нашата енергија и кога може да се случи нешто посериозно.

„Иако летото често се поздравува како сезона за одмор и релаксација, многу често можеме да се чувствуваме сосема спротивно и има голем број причини зошто етоа така“, изјави Кејт.

Иако вашиот фокус може да биде на многуте забавни активности што сте ги планирале за летната сезона, за вашиот сезонски замор може да биде виновна некоја потрајна работа во вашиот живот.

Да, погодувате – тоа е ваша работа.

Кејт објасни: „Можеби сте забележале дека сега летото е во полн ек, колегите имаат тенденција да бидат надвор од канцеларија малку повеќе од вообичаено, да одат на фестивали, да се гледаат со пријателите и да одат на одмори, што значи дека треба да ги замените за време на нивното отсуство, додавајќи си работа на вашата и онака огромна листа на задачи. Ова може да доведе до исцрпеност“.

Медицинската сестра за ментално здравје рече дека не е само работата, туку и нашиот личен живот што може да придонесе за чувството на замор и исрпеност.

„Со оглед на тоа што времето е потопло во текот на летните месеци, многумина од нас сакаат да го трошат времето искористувајќи го максимумот пред да започне есента, без разлика дали тоа е правење на скара, уживање во пијалок во градината или само поминување време со пријателите или саканите. ” вели Кејт.

„Иако правењето многу планови може да изгледа како одлична идеја, кога вашиот дневник ќе стане полн и немате време за одмор и релаксација, може да се чувствувате исцрпени, преоптоварени и неспособни да продолжите. Можеби правите непотребен притисок врз себе да направите што е можно повеќе“, додаде Кејт.

„Оваа ‘потреба’ да се искористи максимумот од летото, исто така може да создаде непотребен притисок да го сторите тоа, наместо едноставно да бидете во моментот – ова може да ве натера да се чувствувате исцрпени или разочарани кога не ги исполнува нашите очекувања“, објасни таа.

Тимот од „Деламер“ потенцираше неколку клучни знаци кои би можеле да укажат на тоа дека вие или некој близок доживувате летно исцрпување.

1. Се чувствувате незаинтересирано

Ако вашиот летен распоред е полн со настани, но не се чувствувате возбудени поради тоа, тоа може да биде знак дека сте блиску до исцрпеност. Други симптоми се незаинтересираност за работата што ја работите, како и одземање долго време за да го завршите она што порано го завршувавте со леснотија.

2. Се чувствувате исцрпено

Стресот, зголемениот обем на работа или напорниот распоред во текот на летото може да доведат до физичка и емоционална исцрпеност. Немањето мотивација за станување од кревет наутро, како и тешкотијата во извршувањето на секојдневните задачи се само дел од симптомите кои не треба да се игнорираат.

3. Раздразливи сте

Друг знак дека се борите со „летното исцрпување“ е ако се чувствувате раздразливо или почувствително од вообичаено. Иако секој од нас чувствува негативни емоции од време на време, важно е да препознаеме кога таквите чувства стануваат невообичаени.

Што можете да направите за да избегнете „летно исцрпување“?

Постојат неколку работи што можете да ги направите за да заштедите енергија ова лето. Иако е важно да поминувате време со семејството и пријателите, исто толку важно е да имате време и за себе. Паузите и релаксацијата се клучни не само за време на празниците, туку и секој ден.

Исто така, планирајте помалку напорни активности во кои ќе уживате.

Конечно, ако до сега не сте научиле да кажувате „не“, без разлика колку години имате, сега е време. Кога се чувствувате дека повеќе сакате да легнете и да гледате филм или да заспиете, а вашите пријатели инсистираат да се видите, изберете да бидете љубезни кон себе и останете таму каде што се чувствувате најудобно во тој момент.

Секако, кога одите на одмор, заборавате на работата. Не носете лаптоп со себе. Деинсталирајте апликации и е-пошта од вашиот мобилен телефон и уживајте во вистински одмор.