ЗОИ Пекинг 2022: Холанѓанката Вуст со неверојатен рекорд, златни медали на пет олимписки игри
Натпреварувачката во брзо лизгање, Холанѓанката Ирен Вуст стана првата личност која освоила поединечен златен медал на пет различни олимписки игри со тоа што успеа да ја сочува својата титула на 1.500 метри на ЗОИ Пекинг 2022 година.
Препорачано
Холанѓанката постави олимписки рекорд од една минута и 53,28 секунди и ја победи Јапонката Михо Такаги, а трета беше сонародничката на Вуст, Антоанета де Јонг.
Тоа е исто така рекорден 12. олимписки медал во брзо лизгање за 35-годишната Вуст, кој ќе се пензионира следниот месец.
– Тоа е лудо. Многу емоции, особено добрите – им рече таа на новинарите.
Вуст, која сега на своето конто има шест олимписки златни медали, исто така ќе настапи и на 1.000 метри на ЗОИ Пекинг па може да ја зголеми својата неверојатна колекција олимписки медали.
Таа дојде на Игрите во Пекинг рангирана на седмото место на Светскиот куп, а светската рекордерка Такаги се сметаше за фаворитка. Но, најнаградуваната холандска олимпијка (мажи и жени), која исто така победи на 1.500 метри на ЗОИ во Ванкувер 2010 година, го постави најдоброто време, а Јaпонката не успеа во обидот да ја надмине.
