Ана Цветановска и Ставре Јада запишаа уште еден победнички викенд во македонската скијачка историја.

На ФИС натпреварите кои се одржаа во романскиот ски центар Предеал, во женска конкуренција Цветановска го освои првото место во трката 10 километри слободен стил.

Во машка конкуренција најдобар беше Јада, кој на двете трки се позиционираше на шампионското прво место.

Изминатиот период Копаоник беше домаќин на интернационални и државни натпревари во сноуборд каде учество заземаа Марија Петковска, Слободан Саздовски, Христијан Стојчевски и Евгениј Ристески.

Во „Биг Ер“ дисциплината првопласирана беше Петковска, додека Ристески се најде на третото место во ФИС натпревар и втор во државен.

Во „Слопстајл“ дисциплината Петковска триумфираше во ФИС натпревар, Саздовски имаше петто место во ФИС натпревар и второ во државен, додека Стојчевски се најде на четвртата позиција во ФИС натпревар и на третата позиција во државен натпревар.