Во рамките од македонската Супер Женска ракометна лига, плеј-оф, ЖРК Куманово триумфираше минимално со 25:26 (11:14) против ЖРК Вардар.

Во победничките редови Кипријановска беше прв стрелец со осум голови, пет имаше Алмеида, а по четири имаа Нолевска и Џакмиќ.

На спротивната страна најефикасни беа Трпевска со шест голови, по пет имаа Галевска и Дамјановска.

Се одигра уште еден меч, екипата на Ѓорче Петров убедливо славеше против Деспина со 17:29 (8:12).

По четири погодоци имаа Белевска и Николовска во победата, а кај поразениот по три постигнаа Гулеска, Рипилоска, Димитрова и Петреска.

На табелата води ЖРК Куманово со 36 бодови, три повеќе од второпласираниот Ѓорче Петров. Токму овие две екипи ќе се сретнат во следното претпоследно коло на 21 мај во Куманово, дуел кој може да одлучи околу борбата за шампионската титула.