Познати се финалистите од женскиот ракометен Куп на Македонија кои ќе играат за трофејот, тие се ЖРК Чаир Скопје и Ѓорче Петров ЖРК.

ЖРК Чаир Скопје денеска во полуфиналето во СЦ „Борис Трајковски“ успеа да го совлада ЖРК Вардар со резултат 32:28.

Тимот на Чаир за прв пат во својата клупска историја ќе игра во финалето од Купот.

Во победничките редови најефикасна беше Рахмани со осум голови, а на спротивната страна еден помалку запиша Василева.

Претходно во првата полуфинална пресметка ракометарките на Ѓорче Петров ЖРК беа убедливи против ЖРК Куманово со 31:14.

Финалниот натпревар за куп титулата е закажан за в недела (19 мај) со почеток од 16.00 часот.