
Жизел Бундшен се огласи за гласините дека го изневерувала Том Брејди: Манекенката е во врска со својот инструктор
Откако се дозна за разводот на супермоделот Жизел Бундшен и поранешната НФЛ ѕвезда Том Брејди, се шпекулира дека таа го изневерувала. Сега за првпат одлучи да одговори на тие озборувања.
Препорачано
– Тоа е лага – рекла Жизел за гласините дека го изневерувала Том со Хоаким Валенте, нејзиниот инструктор по боречки вештини со кој сега е во врска. Манекенката додала дека мрази озборувања.
– Навистина не сакам од својот живот да направам таблоид. Не сакам да се отворам за сето тоа – додала Жизел во интервју за „Њујорк тајмс“. Таа се осврнала и на критиките со кои се соочила по разводот.
– Тоа е нешто што им се случува на многу жени кои се обвинуваат кога имаат храброст да напуштат нездрава врска, веднаш се етикетирани како неверни – рекла таа.
Напоменала дека никој не може да знае што се случува меѓу две лица зад затворени врати. Манекенката зборувала и за својата нова врска.
– Ова е првпат да бидам со некој кој претходно ми беше пријател. Тоа е многу различно. Тој е искрен и многу транспарентен – рекла Жизел.
Бундшен и Брејди поднесоа барање за развод на 28 октомври 2022 година по 13 години брак.
Поранешниот пар има две деца – синот Бенџамин Реин (14) и ќерката Вивијан Лејк (11). Брејди (46), исто така, го има и синот Џек (16) од претходната врска со Бриџит Мојнахан.
Врската со Хоаким ја започна во јуни минатата година.
– Тие се забавуваат од јуни. Одат бавно. На почетокот беа добри пријатели. Таа е многу приватна во врска со тоа и сакаше сè да држи во тајност додека не се запознаат – рекол извор претходно за „Пипл“.
Друг извор потврдил дека чувствата на Бундшен и на нејзиниот тренер се развиле додека биле само пријатели.
– Тој ѝ беше голема утеха когапоминуваше низ разводот. Нивното пријателство стана романтично по разводот – рекол друг извор.
Жизел Бундшен и Том Брејди се почастија со луксузен имот во „бункерот на милијардери“
Зошто Том Брејди не сакал да се разведе од Жизел Бундшен? Вистинската причина ќе ве изненади