Алфа жена – амбициозна, дисциплинирана, организирана, трпелива, одговорна, практична, одлучна, фокусирана на целта и навистина среќна само кога ќе ја постигне. Таа е сè ова и уште повеќе, пишува „Атма“.

Жената Јарец е неверојатно силна жена. Како типична претставничка на земјените знаци, таа цврсто стои на земја и не е склона кон непотребни фантазии – живее во реалноста и од неа го зема максимумот. Со својата непоколеблива амбиција и потреба секогаш да оди напред, често ги остава сите зад себе. А скршнување од патот што си го зацртала – речиси е невозможно.

Знаете ли пред кого стоите? Бидете сигурни дека ќе „клекнете“ пред неа, и тоа доброволно, штом сфатите со каква дама имате работа. Она што на просечен маж би му ја скршило кичмата, таа ќе го изнесе ненаметливо и достоинствено. Ако сте ѝ партнер, ќе се запрашате дали воопшто сте достојни за неа.

Но, ако таа заклучи дека сте вредни, љубовта со неа ќе трае долго и стабилно. Ќе ја одржува пламенот на нејзината одговорност, посветеност и должност. Со неа, секојдневно незабележливо ќе станувате подобри, додека еден ден не сфатите дека сте се претвориле од „жаба“ во принц кој ужива респект и авторитет од сите околу себе.

Жената Јарец е подготвена да ги преброди сите животни проблеми. Колку и да е тежок проблемот, таа ќе остане собрана и мирна, веднаш барајќи решение. Може да изгледа студена и резервирана, но зад тој фасад се крие жена со одлична смисла за хумор, која копнее по сигурност.

За неа љубовта е сериозна работа. Не губи време на безвредни флертови. Кога сака – сака засекогаш. Нејзината љубов не ја рушат ниту времето, ниту растојанијата. Таа му е потпора на партнерот во најтешките моменти, но никогаш не ја губи својата независност.

Совршени партнери за неа се Бикот и Девицата, кои знаат да стигнат до нејзиното срце и да ја разоткријат нејзината топла суштина, како и Ракот, кој може целосно да ги задоволи нејзините емотивни потреби. Добро се сложува и со Скорпија.

Жената Јарец освојува со својата класична убавина – високи јаболчници, елегантна фигура, длабоки очи и тенок врат. Има пропорционално тело, силна физичка издржливост, убави нозе и брз, сигурен чекор. Косата ѝ е најчесто потемна, свиленкаста, а нејзината насмевка постојано добива комплименти. Таа изгледа свежо и помладо од своите години.