Жена од село Косевица, во близина на Македонска Каменица, утрово си ја запалила сопствената куќа во која и самата изгорела.

Како што информираат од ЦУК, пожарникарите од Територијалната противпожарна единица (ТППЕ) Македонска Каменица денеска во периодот од 07.20 часот до 10.35 часот интервенирале на пожар на запалена куќа во с. Косевица, во месноста „Реката”. Интервенирано е со две протипожарни возила. Материјалната штета, според неофицијалните информации, била голема.

Причина за пожарот е намерно палење на куќата од страна на жртвата што била во негова сопственост.

„Жртвата по палењето на куќата, и самата зафатена од пожарот се фрлила во базен во којшто и починала. Точната причина за смртта ќе се знае по истрагата. Моментално, на лице место, се врши увид од страна на надлежни органи и институции“, информираат од ЦУК.

Загина 68-годишен жител на Ранковце, изгорел во оган што самиот го запалил