Управата на кошаркарскиот клуб Зенит им дозволи на странските кошаркари да ја напуштат екипата поради нивната загриженост од руската инвазија врз Украина.

Екипата прво ја напуштија Миндаугас Кузминскас, Артурас Гудаитис и Шабаз Нејпиер, а потоа управата на рускиот тим им дозволи на сите странски кошаркари и тренери да ја напуштат Русија.

По оваа одлука, екипата ја напушти и тренерот Чави Паскал со помошниците, по што екипата до крајот на сезоната ќе мора да настапува само со руски кошаркари.

Евролигата денеска треба да донесе конечна одлука дали руските клубови ќе можат да играат на неутрален терен или ќе бидат исфрлени од елитното натпреварување.