Предводникот на новиот бран на македонскиот ракомет Марко Митев заработи тешка повреда на коленото на натпреварот против Словенија 23:33 и неговата сезона е завршена.

22-годишниот централен бек од скопски Алкалоид ги повреди лигаментите, што е само почеток на неколкумесечната пауза, па нема да биде од помош ниту на репрезентацијата, ниту на својот клуб во претстојната битка за трофејот во Суперлигата.

Митев е вистинско откровение кога е во прашање македонската репрезентација.

Средниот бек постигна огромен напредок во последните две сезони под менторство на Кирил Лазаров, а неговите настапи на Светското првенство во 2025 година го привлекоа вниманието на многу европски клубови.

Нашата репрезентација по четири кола од квалификациската група за за пласман на ЕП 2026 има два бода, но во последните две кола има реални шанси да обезбеди виза за следното големо натпреварување доколку ги победи Естонија и Литванија.