Четириесет и шестгодишниот Е.М., полицаец од Велес е тешко ранет во близина на црквата „Свети Спас“ во Велес. Ранетиот полицаец и негова колешка биле во контрола кај црквата по пријава дека жители од ромската населба ограбуваат верници кој доаѓале во црквата.

Во еден момент настанала мешаница меѓу полицајците и еден од сомничените за грабеж, по што насилникот успеал да го одземе пиштолот на полицаецот и со него да испука пет куршуми.

Полицаецот итно е бил пренесен во хируршката амбуланта при велешката Општа болница каде му била укажана прва помош. Тој е вон животна опасност, но поради сериозноста на повредите е препратен на Хирушките клиники во Скопје.

Од полицијата велат дека започнале голема потрага по напаѓачот кој е во бегство.