Започнаа проблемите со Погба! (ВИДЕО)
Погба е повторно актуелна тема летово, се шпекулира заминување од „Олд Трафорд“, но Солскјер смета на него и на предсезонската турнеја.
Препорачано
Вчера „црвените ѓаволи” пристигнаа во Перт, Австралија, каде што требаа да ја играат својата прва контролна средба. Дури и на аеродромот, медиумите обрнаа внимание на изразот на лицето на Французинот, кој даваше автограми на фанови со очигледно незадоволство.
Неколку часа подоцна играчите тргнаа на прошетка, во текот на која се случи нешто интересно. Самиот клуб објави видео на Твитер, во кое накратко се гледа како Погба и Џеси Лингард разменуваат зборови, а говорот на телото не е особено добронамерен.
Nothing like a walk to stretch the legs after a 16-hour flight ?? #MUFC #MUTOUR pic.twitter.com/3jc4dfVNpx
— Manchester United (@ManUtd) July 8, 2019
Ова е потврдено со реакцијата на Виктор Линделоф, кој брзо го фаќа и го гушнува Французинот во обид да го смири. Фановите веднаш се фокусираа кон оваа епизода и лошите коментари против светскиот шампион не задоцнија.
Иднината на Погба се уште се чини нејасна. Самиот играч минатиот месец рече дека е време да се обиде нешто ново, а неговиот агент Мино Рајола во чист текст објави дека играчот од средниот ред сака трансфер.
First session this morning at our Perth training base. #MUTOUR #MUFC pic.twitter.com/2HbBjO9QyJ
— Manchester United (@ManUtd) July 9, 2019
Реал Мадрид и Јувентус имаат интерес за неговите услуги. Според медиумите, Јунајтед ќе се согласат да го продадат Французинот, ако добијат 150 милиони фунти за него.
