Нашиот познат театарски, филмски и телевизиски актер, Ненад Стојановски е роден во Скопје на 19 август 1952 година. Тој беше во брак со актерката Силвија Стојановска со која ги имаат двете ќерки Ана и Јана, кои денес се исто така познати актерки во Македонија.

Неговите приви чекори во светот на актерството ги направил откако станал член на Детската радио-драма и во експерименталните аматерски драмски состави „Кактус“ и „Кај Св. Никита Голтарот“, а по завршувањето на Факултетот за драмски уметности, Ненад  настапувал на сцената на Драмскиот театар – Скопје, а гостувал и на повеќе други сцени.

Повеќе пати настапувал на Дубровничките и Сплитските летни игри, а учествувал и во повеќе проекти при Драмата на Македонскиот народен театар.

Добитник е на голем број награди и признанија како, две Стериини награди, највисокото општествено признание на Македонија, Наградата „11 Октомври“, Наградата на „Млад борец“, на ревијата „Екран“ за најпопуларно филмско и ТВ лице и на Театарските игри „Војдан Чернодрински“ во Прилеп.

Во 1985 година е прогласен за актер на годината според ревијата „Екран“, добитник е на Наградата на весникот „Дневник“ од Нови Сад, добитник на „Златен медал“ на Театарските свечености во Шабац, за улогата во претставата „Кула Вавилонска“.

Во неговата богата биографија се вбројуваат улогите: 1975 Илинка ТВ-филм Дејан, 1976 Цимерите од соба 306 ТВ-филм, 1977 Пресуда ТВ-филм, 1977 Сослушувањето на железничарот ТВ-филм, 1981 Лет во место ТВ-филм Михајло, 1982 Илинден ТВ-серија Орце, 1983 Записник ТВ-филм, 1983 Премиера ТВ-филм Војдан Чернодрински, 1984 Јуначко колено ТВ-серија Учителот, 1984 Лет во место ТВ-филм, 1984 Диво месо ТВ-филм Андреја, 1984 Дупло дно ТВ-филм Јаков 3, 1984 Камчевци ТВ-серија, 1985 На наш начин ТВ-филм Записничарот, 1985 Од зад грб ТВ-филм Санде, 1985 Тетовирани души ТВ-филм Војдан, 1985 Трговецот од Солун ТВ-филм Гоце Делчев, 1985 Бушава азбука ТВ-серија, 1986 Состојба на инфаркт ТВ-филм Огнен Георгиевски, 1987 Трета доба ТВ-филм… како и улогите во филмовите;

1987 Смртта на Дантон ТВ-филм Дантон

1987 Народни трибуни ТВ-серија

1987 Хај-фај ТВ-филм Матеј

1988 Скопски сновиденија ТВ-филм Ликовен уметник

1988 Мојсие од моето масло ТВ-филм Градоначалник

1988 Црна дупка ТВ-филм Силјан

1989 Тврдокорни ТВ-серија Ѓурчин Наумов Пијакот

1989 Еурека ТВ-серија Леонардо Да Винчи

1990 Трст виа Скопје ТВ-серија Кирил

1990 ДО РЕ МИ ТВ-серија Уметникот

1990 Кула вавилонска ТВ-филм Манјан

1990-1991 Опстанок ТВ-серија Учител

1991 Болва в’ уво ТВ-филм

1991 Царуга ТВ-филм Лајтнант

1992 Заминување од Пасквелија ТВ-филм Растаков

1992 Време, живот ТВ-филм

1992 Сили во воздухот ТВ-филм Миле

1992 Чернодрински се враќа дома ТВ-филм

1993 Грев или сприцер ТВ-филм Крсте Сприцер

1994 Прекалени ТВ-серија Марко Цепенков

1997 Ojdipus Tiranos Sofocleus ТВ-филм Тајресија

1997 Добредојдовте во Сарајево ТВ-филм

1998 Збогум на 20-тиот век ТВ-филм Човекот со железната рака

1998 Бегство ТВ-филм Роман Валеријановиќ Хлудов

Добитник е на наградите:

Награда на Фестивалот „Стериино позорје“ за улогата на Андреја во претставата „Диво месо“ (Нови Сад, 1980);
Награда за најдобар млад глумец на Македонскиот театарски фестивал (МТФ) „Војдан Чернодрински“ за улогата на Козаков во претставата „Бркотница“, (Прилеп, 1981);
Награда за најдобра епизодна улога на МТФ „Војдан Чернодрински“ за улогата на Козаков во претставата „Бркотница“ (Прилеп, 1981);
Награда за глумечко остварување на МТФ „Војдан Чернодрински“ за улогата на Пиги во претставата „Среќна Нова ’49“ (Прилеп, 1985);
Награда 11 Октомври за улогата на Јаков III во претставата „Дупло дно“ (1985);
Награда за најдобро глумечко остварување на ревијата Екран за улогата на Пиги во претставата „Среќна Нова ’49“ (1986);
Награда од списанието Дневник од Нови Сад за најдобро глумечко остварување на Фестивалот „Стериино позорје“ за улогата на Миле во претставата „Сили во воздухот“ (Нови Сад, 1989);
Златен медал на Театарските свечености „Љубиша Јовановиќ“, за улогата на Дамјан во претставата „Кула вавилонска“ (Шабац, 1990).

Ненадејно почина на 14 јули 1998 година во Скопје, на само 46 години, а неговата ќерка Јана Стојановска, во спомен на својот татко сподели емотивен момент од детството, нагласувајќи дека сѐ уште никој не успеал да го надмине.

 

View this post on Instagram

 

A post shared by Jana Stojanovska (@jana_sto_ja_nov_ska)