Чуварите во зоолошките градини имаат проблем со горилите и воведуваат нови правила за нив со ограничување на времето поминато пред екранот.

Како што пишува „Волстрит журнал“ (WallStreet Journal), зоолошките градини низ Северна Америка се обидуваат да ја спречат опсесијата на животните со паметните телефони.

Zoos are trying to manage the screen time of gorillas. The great apes have become enamored of watching videos of themselves on the phones of visitors. “He really is watching!” https://t.co/Jxbc9JZaBM https://t.co/Jxbc9JZaBM

— The Wall Street Journal (@WSJ) July 24, 2024

Овој проблем настанал затоа што во последните години сè повеќе посетители доаѓаат кај горилите и им покажуваат слики и видеа на екраните низ стаклениот ѕид. Како и луѓето, горилите се фасцинирани од она што го гледаат на мобилните телефони.

Во последниве години, извештаите за горилите во зоолошките градини во големите градови покажуваат дека тие полека стануваат зависни од паметните телефони. Во Торонто, минатата година претставниците на зоолошката градина почнаа да ставаат знаци за да им кажат на посетителите да не им ги покажуваат паметните телефони на животните бидејќи тие потоа го менуваат своето однесување и сè почесто бараат од луѓето да им покажат нешто на екранот.

„За доброто на горилите, ве молиме не им прикажувајте видеа или фотографии бидејќи некоја содржина може да биде вознемирувачка и да влијае на нивните односи и однесувањето во нивното семејство“, пишувало на еден знак.

Во познатата зоолошка градина во Сан Диего, новинарите на „Волстрит журнал“ гледаа како луѓето им ги покажуваат екраните на телефонот на горилите, иако вработените во зоолошката градина не ја одобруваат таквата интеракција. Луѓето секојдневно доаѓаат во таа зоолошка не само за да снимаат животни, туку и да им покажуваат видеа.