Симона Халеп, втората тенисерка на ВТА ранг листата објави дека е позитивна на ковид-19.

Романската тенисерка на социјалните мрежи напиша дека има благи симптоми на коронавирус, но дека се чувствува добро и се надева дека се ќе се заврши добро.

„Поздрав до сите, позитивна сум на коронавирус. Веднаш се самоизолирав и се опоравувам од благите симптоми. Се чувствувам добро… ќе поминеме низ ова заедно“, напиша Халеп.

По рестартот на тениската сезона која беше во шестмесечен прекин поради пандемијата, Халеп триумфира на турнирот во Прага и на Мастерсот во Рим, додека на Ролан Гарос загуби во осминафиналето од Ига Швојнтек која на крајот триумфира на грен слем турнирот во Париз.