Селекторот на ракометната репрезентација на Словенија, Љубомир Врањеш ќе има на располагање 19 ракометари за Европското првенство во Унгарија и Словачка каде првиот натпревар на 13 јануари ќе го игра против Македонија.

Во последен момент од списокот поради повреда на рамото отпадна средниот бек на Нант, Рок Овничек.
– Подготовките поминаа релативно добро. Имавме проблеми со повреди на неколку играчи и со коронавирус, но и покрај тоа задоволен сум од сработеното. Одиме со позитивни мисли во Дебрецин – изјави Врањеш за словенчките медиуми.

Состав на Словенија за ЕП:
Голмани: Пантар, Кастелиц, Бажник
Леви крила: Соколич, Кодрин
Десни крила: Јанц, Маргуч
Пикери: Благотиншек, Сухолежник, Потеко
Леви бекови: Мачковшек, Левц, Хенигман
Средни бекови: Скубе, Зарабец, Макуц
Десни бекови: Грошељ, Доленец, Цехте