Дваесет и двегодишно лице било повредено откако во него удрил возач на автомобил марка „БМВ”, кој потоа се оддалечил со возилото од местото вчера на улицата „Иво Рибар Лола” во Тетово. Подоцна полицијата го нашла возилото.

-Околу 18.45 часот на улица „Иво Лола Рибар” во Тетово, патничко моторно возило „БМВ” со тетовски регистарски ознаки, кое го управувал 66-годишниот тетовец М.А. удрило во 22-годишниот тетовец Т.Д. и го напуштило местото. Набрзо потоа возилото било пронајдено. Повредениот  пешак пренесен е во тетовската Клиничка болница за укажување на лекарска помош, информира Марјан Јосифоски, портпарол на СВР Тетово.

Увид извршила екипа од Сeкторот за внатрешни работи Тетово.