Во центарот на вниманието во спортската јавност од вчерашниот ден е потврдата за преселбата на Луис Хамилтон во Ферари од 2025 година. Денеска во јавноста се огласи и извршниот директор на Мерцедес, Тото Волф.

Волф призна дека бил изненаден од одлуката на Хамилтон, а за истата му било најавено неколку дена пред Британецот самиот да соопшти.

Седумкратниот светски шампион во Формула 1 го известил Волф во средата наутро, додека јавноста за неговата одлука дозна еден ден подоцна.

„Бев изненаден кога пристигнаа првите гласини до мене неколку дена претходно, но не сакав да реагирам и го чекав доручекот кој беше планиран за средата наутро. Тогаш Луис ја објави веста“, изјави Волф.

Минатото лето Хамилтон го продолжи договорот со Мерцедес до крајот на 2025 година, меѓутоа во неговиот договор имаше и клазула за ослободување на една година порадно која тој ја искористи и се договори со Ферари.

Акциите на „Ферари“ забрзано скокнаа по најавата за трансферот на Хамилтон

Акциите на „Ферари“ забрзано скокнаа по најавата за трансферот на Хамилтон