Ескалираат немирите иницирани од демонстрантите кои попладнево протестираат против пресудите на обвинетите во случајот „Монструм“. Откако полициски сили поддржани со оклопни возила им го попречија патот на демонстраните кај Мавровка, тие почнаа да фрлаат со камења и шишиња кон нив.

Снимките покажуваат дека група облечена во црна облека и со фантомки на главите се издвојуваше од останатите демонстранти и во неколку наврати ја каменува полицијата.

Редарите на протестот, замислен како мирно изразување на незадоволството од пресудите за „Монструм“, се обидуваа да ја спречат оваа група насилници да се конфронтираат со полицијата, а во еден момент полициските специјалци тргнаа кон демонстрантите и ги принудија да се повлечат кон Битпазар.

Репортерот на „Слободен печат“ јавува дека полицијата во знак на предупредување на демонстраните употребила и шок бомба.

Полицијата му ги избриша снимките од протестот на репортерот на „Слободен печат“: Нѐ снимаш во лице, па ни ги палат автомобилите

ВО ЖИВО | Насилство на протестите: Демонстрантите фрлаат со шишиња кон полицијата, има и повредени полицајци

ВО ЖИВО: Почна протестот за случајот „Монструм“ – свирежи и извици ечат низ Чаир