Компјутер и УСБ со класифицирани информации за Олимписките игри биле украдени од воз на станицата Гаре ду Норд и е покрената истрага, објави француската телевизија БМФТВ.

Ова претставува голем предизвик за француските власти, пет месеци пред отворањето на Олимписките игри во Париз. Вработен во градското собрание на Париз се огласил овој понеделник, откако ја забележал дека неговата чанта била украдена неколку моменти откако се качил на возот кој одел за Креил од станицата Гар ду Норд во Париз, дознава БМФТВ од полициски извори.

„Беше 19:30 часот кога 56-годишниот инженер ја отвори вратата од полициската станица Гаре ду Норд за да ја пријави кражбата што штотуку ја претрпе, пред да опише што имало во неговата чанта. Во торбата имало деловен компјутер и два УСБ со чувствителни податоци, вклучувајќи ги и плановите за обезбедување на летните Олимписки игри оваа година“ велат од полицијата.

Ова всушност се однесува на олимписките безбедносни планови на градското собрание на Париз, кое планира да распореди речиси 2.000 агенти, вклучувајќи ја и полицијата во заедницата, за времетраењето на Олимпијадата (од 26 јули до 11 август).

Според првите истраги, кражбата се случила помеѓу 18:30 и 19:00 часот, додека жртвата седела во возот што застанал на платформата 18 на Гаре ду Норд.

Вработениот во пријавата рекол дека торбата ја ставил во преградата над своето седиште пред да ја забележи дека ја нема во моментот кога сакал да се симне од возот. Полицијата во истрагата ги користи снимките од безбедносните камери за да дојде до крадецот.