Двајца полицајци загинаа, а еден е ранет во вооружен напад врз полициска станица во Измир, западна Турција, соопштија безбедносни извори, а пренесе Ројтерс.

Напаѓачот, за кој се наведува дека има 16 години, бил приведен откако отворил оган врз полициската станица „Салих Исгорен“ во населбата Балкова, јави турската телевизија НТВ.

Турција во минатото беше цел на напади од страна на курдски милитанти, исламистички групи и крајно левичарски организации, при што често цел на нападите беа безбедносните сили и владините институции.

Измир, трет по големина град во Турција на брегот на Егејското Море, бил погоден и од претходни милитантни напади, вклучувајќи и бомбашки напад пред судница во 2017 година, во кој загинаа две лица.