Првиот случај на „стелт“ омикрон е регистриран во Србија. Оваа информација за РТС ја потврдија од Медицинскиот факултет во Белград.

Се верува дека мутираниот подвид на сојот омикрон, наречен BA.2, е позаразен од оригиналниот тип BA.1.

Српскиот виролог Тања Јовановиќ вели дека новата подваријанта полека станува доминантна во некои земји, но се претпоставува дека клиничката слика е слична на првата.

Како што истакна таа, вакцината штити и од умерени и од тешки форми на болеста.

Јовановиќ за РТС изјави дека во Србија е забележана оваа подваријанта, која првпат беше откриена на Филипините на крајот на јануари, се шири уште побрзо од претходната, а полека станува доминантна во некои земји, како Данска, Индија, Велика Британија и Германија.

Присуството на оваа подваријанта, како што наведува, е докажано во повеќе од 50 земји.

Сѐ за „стелт омикрон“: Сестринската варијанта на омикрон е уште позаразна, може да предизвика бран на „двогрба камила“