Првиот човек на еден од најдобрите македонски клубови, Шкупи, најави повлекување од системот на натпреварување ако во Фудбалската федерација на Македонија не дојде до промени.

Турскиот бизнисмен Олгун Ајдин и претседател на клубот од Чаир во објавата истакнува и дека би можел да го продаде клубот ако некој ја плати неговата вредност на фудбалскиот пазар.

Во спротивно доколку е тој во клубот порачува дека клубот нема да се натпреварува додека не дојде нов човек на местото на претседателот Муамед Сејдини.

„Немаме доверба во сегашниот фудбалски систем и сегашната ФФМ. Причините за тоа и се познати на целата јавност. Нема да бидеме во оваа игра се додека останува сегашната федерација. Ние нема да го жртвуваме нашиот труд на ничија фикција. Како прва опција е очигледна вредноста на нашиот клуб, доколку се појави заинтересирн човек кој веруваме дека ќе го цени нашиот клуб и ќе додаде нешто на него, ние сме отворени за трансфер на клубот. Доколку тоа не се случи, доколку не се најде човек кој дава вредност, решени сме да направиме пауза додека не се промени оваа Федерација. Не сакаме да бидеме во фудбалот што го води оваа федерација и нема да бидеме“, стои во соопштението објавено на социјалните мрежи.

Во продолжение можете да го прочитате комплетното писмо на првиот човек на клубот од Чаир.