Во палачинките, наместо кисела вода, ставете ја оваа намирница: Ќе бидат еднакво сочни и следниот ден
Палачинките брзо се прават, а исто толку брзо и исчезнуваат, меѓутоа, понекогаш остануваат уште неколку парчиња што би ги јаделе подоцна или, на пример, би ги однеле на работа. И тука настанува главниот „проблем“ – кога ќе се изладат, палачинките стануваат жилави и невкусни.
Препорачано
Затоа ви пренесуваме неколку трикови со помош на кои ќе бидат воздушести, меки и вкусни, исто како штотуку да сте ги испржиле.
Главната тајна е во сода-бикарбоната – само мала количина ќе придонесе и следниот ден да уживате во омилениот деликатес.
Уште еден трик со помош на кој палачинките ќе бидат меки и свежи следниот ден е поврзан со садот во кој ќе ги чувате.
Состојки:
– 1 јајце
– 200 мл млеко
– 250 мл вода
– 200 грама брашно
– прстофат сол
– 1/4 лажичка сода-бикарбона
– 2 лажици масло
– масло за премачкување на тавата
Подготовка:
Измешајте ги сите течни состојки и додајте брашно, сол и сода-бикарбона. Добро изматете ја смесата, да нема грутчиња. На крајот додајте масло, па повторно измешајте сè.
Загрејте ја тавата за палачинки на максимална температура, па намалете ја малку. Печете ги палачинките, редете ги една врз друга, а садот со готовите палачинки поклопете го. Така подолго ќе останат топли, а следниот ден ќе бидат исто толку меки и вкусни.
Палачинките филувајте ги со сладок или солен фил, по желба.
