Во Кавадарци се пронајдени коњите – учесници во Илинденскиот марш кои претходно биле пријавени за украдени во Скопје.

-Денеска во ОВР Кавадарци, И.Т. од Скопје пријавил дека на ливада во близина на улица ,,Клинска” во Кавадарци, ги пронашле коњите кои биле ангажирани за учество во Илинденскиот марш, за кои претходно во Полициска станица Аеродром во Скопје, било пријавено дека се украдени. Се преземаат мерки за расчистување на случајот, се вели во писмениот одговор од портпаролката на СВР Велес, Биљана Ѓаковска.

Пред кавадаречката полициска станица бил и Игор Тасевски, сопственик на еден од коњите што биле украдени, коњот Тошка.

– Всушност, беа украдени три коњи од седиштето на Илинденскиот марш во Горно Лисиче, пронајдени се во Кавадарци, рече тој.