Градоначалникот на Тетово, Биљал Касами, вели дека општината е подготвена финансиски да придонесе за дел од патот Тетово-Призрен, додека за останатиот дел вели дека, и покрај подготвеноста од Владата да помогне, бараат надворешни финансиери.

Касами во емисијата „Дејли клик“ на ТВ21 рече дека министерот за економија и труд Бесар Дурмиши е во Катар, каде се обидува да најде финансиери за овој инфраструктурен проект.

„Финансирањето е прашање, би рекол важно, на кое работиме. Во моментот кога зборуваме, министерот за труд, економија и вработување е во Катар, заедно со двајца пратеници од коалицијата „Вреди“, каде едно од најважните прашања е да се најдат финансиери и инвеститори за реализација на овој проект“, рече тетовскиот градоначалник.