Албанија се согласи да биде привремено засолниште за илјадници мигранти додека тие, по пристигнувањето на бреговите на Италија, чекаат одлука дали ќе добијат азил или не.

Ова и даде на Албанија, одредено олеснување во управувањето со постојаниот прилив на мигранти од Африка. Оваа иницијатива беше објавена по средбата на италијанската премиерка Џорџа Мелони и албанскиот премиер Еди Рама.

Врз основа на договорот, Италија ќе финансира изградба на два центри во Албанија кои ќе можат да примат до 3.000 мигранти одеднаш. Жените и децата не се вклучени во планот.

Според Мелони, Албанија ќе обезбеди надворешна безбедност за двата центри, кои ќе бидат под италијанска јурисдикција.

Мелони рече дека доколку барањата за азил се обработуваат брзо, низ процедурата ќе поминат и до 36.000 мигранти годишно, но од територијата на Албанија, што ќе ги растерети пренаселените центри во Италија.

Стотици илјади мигранти стигнаа до Италија во текот на претходните години, по ризичното патување низ Средоземното Море од Либија, Тунис, Турција и други земји.