Десет противници на режимот на белорускиот претседател Александар Лукашенко поднесоа жалба до Германија за наводни дела „тортура” извршени од тој режим, соопшти денеска германското Федерално обвинителство.

Тужбата е поднесена поради полициската репресија иницирана од белорускиот режим летото 2020 година, по реизборот на Лукашенко.

Тужителите се повикуваат на дела на „државна тортура”, што може да биде предмет на кривично гонење од германското судство, во рамките на универзалната надлежност за злосторства против човештвото и системската политика на репресија.

Делата на наводната тортура се однесуваат, како што е наведено во тужбата, на „неосновано апсење, тортура и лошо постапување при притвор … физичко насилство, понижување, закани и навреди”.