Во Франција се затворија 70 училишта откако се појавија нови случаи кои потсетуваат на инфекцијата со коронавирусот, соопшти денеска француското Министерство за образование, додавајќи дека откако се отворија повторно училиштата не е евидентиран ниту еден случај со ковида-19.

Училиштата ги „затворија своите врати“ по порастот на сомнителните случаи во пошироката заедница, изјави претставник на министерството за Си-ен-ен.

-На пример, 25 од 70 затворени училишта се наоѓаат во градот Сенс, затоа што во него е забележан уште еден случај на ковид-19, велат од министерството.

Повторно отворени 40.000 училишта

Во Франција минатата недела беа отворени околу 40 илјади училишта, а околу 1,4 милиони ученици се вратија на училиште. Досега се пријавени скоро 200.000 случаи на ковид-19 во земјата, а повеќе од 28.000 луѓе починале.