Тоше Проески за време на националниот Избор на песна за Евровизија / 14 февруари 2004 / Фото: EPA/VLATKO PERKOSKI

Во чест на Тоше Проески: Тринаесет маратонци трчаат од Нова Градишка до Крушево на 17. ултрамаратон

Во Нова Градишка, Хрватска започна 17. ултрамаратон во чест на Тоше Проески. Тринаесет маратонци трчаат низ Хрватска, па преку Србија, низ Македонија, сѐ до Крушево каде треба да стигнат напладне в среда, 16 октомври, на годишнината од смртта на нашата и балканска музичка ѕвезда, Тоше Проески.

Пред тргнувањето, маратонците положија цвеќиња на спомен обележјето на Тоше во Нова Градишка. Како што соопштува организаторот на настанот – Спомен дом „Тодор Проески“, маратонците трчаат низ цела Хрватска и Македонија. На граничниот премин Табановце се очекува да пристигнат на 15 октомври и да продолжат кон Скопје, а на плоштадот Македонија треба да пристигнат околу 18 часот. Вечерта ќе тргнат на пат за Крушево, каде треба да пристигнат околу пладне на 16 октомври, на годишнината од загинувањето на Тоше Проески.

Маратонците, како што е наведено, ќе бидат пречекани во Крушево, традиционално, со црвени рози и на Гумење, вечното почивалиште, ќе му оддадат почит на големиот музичар и хуманитарец, познатата македонска и балканска музичка ѕвезда која и ден-денес ги привлекува во Крушево обожавателите и почитувачите на неговото дело.

Нашата најголема музичка ѕвезда Тоше Проески загина на 16 октомври 2007 година во сообраќајна несреќа кај Нова Градишка, Хрватска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот