ВМРО-ДПМНЕ: Уценетиот Таравари на крајот ќе се откаже од себе си
Вистинското „зло” не е ВМРО-ДПМНЕ, туку неговото лицемерие и двојниот стандард, зашто секогаш кога не му даваат функција, одеднаш открива дека партнерот е „зло”.
Два пати влезе и излезе од владината коалиција, како млада невеста, реагира ВМРО-ДПМНЕ.
Препорачано
– Февруари 2024: Таравари самиот изјави дека и ВМРО-ДПМНЕ и СДС го гледале неговиот блок како посакуван партнер. Дури признава и дека од Али Ахмети добивал неодоливи понуди „и прв албански премиер, и претседателски кандидат”. Ако тогаш ВМРО-ДПМНЕ не беше „зло”, зошто одеднаш стана?
– 23 јуни 2024: Владата беше изгласана со партнерство помеѓу ВМРО-ДПМНЕ и албанската опозициска коалиција Вреди. Тоа беше јасна победа над матрицата на криминализираната ДУИ.
– Мај 2025: Алијансата на Таравари ја напушти коалицијата со образложение за наводни „неисполнети ветувања”. Ама дел од неговата партија остана во Владата. Значи, проблемот не е идеологија, туку нешто друго. Можеби уцена!?
-А сега, за да се види колку е празна тезата „Владата е штетна”, да ги погледнеме бројките: прво, индустриско производство: +4.1% во јули 2025 во однос на јули 2024, второ, просечна бруто плата: +8.5% во јуни 2025 на годишно ниво, трето, реална плата: +3.8% поради стабилизирана инфлација, четврт, инфлација: 3.7% во јули 2025, далеку од двоцифрените пикови од времето на СДС и ДУИ. Овие факти покажуваат дека државата оди напред, а не назад. дека нема катастрофа, туку стабилизација – велат од ВМРО-ДПМНЕ.
Според нив, Таравари не знае што зборува или знае, ама намерно ја менува плочата за да си го оправда влезот и излезот од коалицијата.
-Вистинското „зло” не е ВМРО-ДПМНЕ, туку неговото лицемерие и двојниот стандард, зашто секогаш кога не му даваат функција, одеднаш открива дека партнерот е „зло”. Прашањето што останува е, со што е уценет Арбен Таравари и колку пати уште ќе ја продава истата приказна – прашува ВМРО-ДПМНЕ.
