Влатко Костов ја напушти тренерската клупа на Тиквеш
Уште еден отказ во Првата македонска фудбалска лига, Влатко Костов одлучи да се раздели со ГФК Тиквеш 1930.
Препорачано
Костов со клубот од Кавадарци од стартот на новата сезона во ПМФЛ по пет одиграни кола запиша една победа, едни реми и три порази претрпени во последните три лигашки натпревари.
Последниот меч на Костов како тренер на Тиквеш беше пред два дена кога неговите играчи загубија на гостувањето кај Силекс со 3:2, по што следуваше поднесената оставка.
Управата на клубот ја прифати оставката и сега е во потрага по нов главен тренер, а до назначување на нов шеф на стручниот штаб, екипата ќе биде предводена од досегашните асистенти Мојсов, Орешков и Митрев.
Ова е веќе четврти отказ во нашиот шампионат за шест дена, во изминатиот период Гоце Седлоски го напушти актуелниот шампион, потоа Ѓорѓе Стојчев се раздели со Академија Пандев, додека Артим Шаќири не е повеќе тренер на Шкендија.
