Официјални лица во боливискиот град Тринидад започнаа кампања за давање бесплатни дози на „Ивермектин”, лек против болести предизвикани од одредени видови на паразити, со цел борба против коронавирусот во сериозно погодената источна провинција на државата.

Властите ќе одат од куќа до куќа за да дистрибуираат околу 350.000 дози на лекот за жителите од регионот Бени, каде што Тринидад е главен град. Областа има 581 потврден случај и 41 смртни случаи од коронавирусот.

Министерството за здравство соопшти дека лекот може да се користи во согласност со соодветниот медицински протокол, но исто така и дека нема научни докази за неговата ефикасност во третманот на коронавирусот кај луѓето.

Во истражување на австралиски научници, откриено е дека „Ивермектин” го убива коронавирусот за 48 часа во лабораториски услови, но и дека луѓе не биле тестирани во таа студија.