
Влаховиќ меѓу кандидатите да го замени повредениот Винисиус во Реал Мадрид
Претседателот на шпанскиот фудбалски клуб Реал Мадрид, Флорентино Перез е познат како човек кој не ги преферира јануарските ангажмани, но не ја исклучува можноста да бара нов играч поради повредата на Винисиус.
Препорачано
Како што пренесува „Еуроспорт“, Винисиус се очекува да биде надвор од терените најмалку два месеци поради повреда на тетивата.
Според „Ас“ четворица играчи се потенцијални кандидати како замена за Бразилецот: Душан Влаховиќ, Маркос Леонардо, Мауро Икарди и Санти Хименез.
Кога станува збор за српскиот репрезентативец Влаховиќ, Шпанците истакнуваат дека олеснувањето на трансферот би можело да биде добар однос меѓу клубовите, со оглед на тоа што Реал и Јувентус беа иницијатори на идејата за формирање на т.н. европска Суперлига, но изворот вели дека една од пречките е надоместот и фактот што клубот од Торино во случај на трансфер, сака да врати дел од инвестицијата од играчот што го чинеше клубот повеќе од 80 милиони евра.
Еден од конкурентите за „кралскиот“ дрес е и Маркос Леонардо, напаѓачот кој оваа сезона во дресот на Сантос постигна 21 гол, а бразилските медиуми во изминатите денови го поврзуваа со Арсенал и Њукасл.
Се шпекулира и името на Мауро Икарди, кој игра одлично во Турција, додека на списокот на играчи кои ги следи Реал е и Санти Хименез, Мексиканецот кој има 15 гола на исто толку натпревари за Феенорд во тековната сезона.