После заминувањето на Оливер Димитриоски поради лошите игри, РК Металург веднаш најде нов тренер, станува збор за поранешниот селектор на женската сениорска репрезентација, Владимир Глигоров.

Досега работеше во клубот со младинскиот тим на Металург, како и во втората екипа на Металург РА, а сега ќе биде кормилар и на првиот тим на патот кон подобри резултати.

Глигоров привремено ќе ги води „сино-белите“ од Автокоманда, а во меѓувреме првите луѓе на клубот ќе бидат во потрага по тренер како долготрајно решение.

Не започнаа најдобро во плеј-офот на најдобрата македонска лига каде изненадувачки загубија од Пролет со 29:26, по што следуваше и разделбата со Димитриоски.

Во наредниот меч Металург гостува кај екипата на Струга.