Косовската претседателка Вјоса Османи реагираше на антиалбанските скандирања на кошаркарскиот натпревар меѓу Северна Македонија и Романија што се одржа во Куманово во неделата.

Османи рече дека овие скандирања се неприфатливи.

Таа нагласи дека уште позагрижувачки е фактот што највисоките државни функционери во Македонија не реагирале на овој омразен и исклучив јазик, оставајќи простор за реторика што ја поткопува меѓуетничката толеранција и хармонија што земјата се стреми да ја изгради на својот пат кон европското семејство.

Османи, исто така, ги повика институциите на Северна Македонија да преземат итни мерки против организаторите на овие повици, одговорните и оние кои поттикнуваат и шират омраза, осудувајќи секаков облик на говор на омраза и заштитувајќи ги принципите на соживот и толеранција, како основни вредности на држава што се стреми кон интеграција во ЕУ.

„Антиалбанските скандирања што се слушнаа за време на натпреварот во Куманово се неприфатливи и го нарушуваат духот на соживот и меѓусебното почитување, што треба да биде основа на секое демократско општество со европски аспирации. Албанците се домородно население на своите земји и заслужуваат да бидат третирани со достоинство и еднаквост, исто како и секоја друга заедница. Спортот треба да биде средство за обединување, а не платформа за темни идеологии кои евоцираат болни спомени и го загрозуваат мирот. Република Косово решително ќе го брани достоинството на Албанците, каде и да живеат“, рече претседателката Вјоса Османи.

Мицкоски ги осуди скандирањата на вчерашниот кошаркарски натпревар во Куманово