Витаминска бомба: Благотворното дејство на чајот од дуња
Дуњата е вистинска витаминска бомба која се појавува наесен, а потоа доколку правилно се чува во текот на зимата може да се консумира цела зима. Ова корисно овошје со потекло од југоисточна Азија, кај нас добро успева, а позната е по тоа што сите нејзини делови- плодот, семето, листовите, дури и влакненцата на плодот имаат лековити својства. Најдобри лековити својства имаат сокот и сируп од дуња.
Препорачано
Можностите на дуњата како народен лек се познати поради високиот процент на витамин Ц, Б2, Б2, Б3, провитамин А. Калиум, калциум, магнезиум, бакар, натриум, цинк, манган, железо, хлор и сулфур се претставници на минералите кои ја збогатуваат дуњата.
Протеините, влакната и јаглехидратите се дел од ова овошје, додека содржината на масти и калории е ниска, што значи е добро за диети. Амигдалинот ( витамин Б17) во семето има моќно антиканцерогено дејство, а танинот, пектинот, шеќерите и јаболковата киселина ја поддржуваат работата на цревниот тракт.
Танините и слузот во дуњата добро влијаат врз тенкото црево и штитат од инфективни болести. Покрај сирупот и сокот и чајот од дуња се подготвува како лек за разни болести. Познато е дека од дуњата ништо не се фрла, бидејќи секој нејзин дел е корисен против некоја болест. Еве кои делови од дуњата можат да се прават во чај и на што влијаат.
Чај од семки е добар лек за несоница, ја намалува напнатоста, смирува и успива. Може да се користи како лек против непријатен здив, а исто така лечи изгореници и рани.
Чај од листови главно лекува воспаленија на горните дишни патишта. Ги ублажува нападите од кашлица како и тешки симптоми како бронхитис. Добар избор е за топли напивки при воспаление на грло, а добро делува и на засипнато грло. Може да се користи како седатив против несоница, заедно со чај од семките од плодот.
Чај од плод – сварен како чај, плодот од дуња е добар лек за настинка на горните дишни патишта и воспаление на грлото. Тој е најпријатен за употреба и се прави од една дуња, исчистена од семки, исечена на тенки резанки, се вари 15-20 минути, се филтрира и пие во мали голтки во текот на денот.
