Матс Виландер никогаш не бил еден од најголемите обожаватели на моментно најдобриот светски тенисер Новак Ѓоковиќ, а тоа повторно го потврди. Неговиот поглед на рамнотежата на силите во светската елита е различен од повеќето.

– Карлос Алкараз би можел да стане вториот најважен тенисер во историјата на овој спорт – изјави Швеѓанецот за „Еуроспорт“.

Но, првиот не е српскиот ас кој многумина во тенискиот свет го сметаат за најдобар кој играше со рекет и топки.

– За мене Рожер Федерер е најважен во историјата – рече Виландер, а потоа го објаснува својот став за разликата помеѓу најдобриот и најважниот.

– Не верувам дека Алкараз може да го надмине рекордот на Ѓоковиќ за должината на неговото владеење во број еден на светската листа, но сега не зборувам за бројки и резултати. Сметам дека Федерер е најважен кога станува збор за важноста на тенисерите за спортот, впечатокот што го остава кај навивачите – вели Виландер.