Музичката и модна икона Шер (78) ќе ја предводи претстојната ревија на брендот „Викторијас сикрет“. Долгоочекуваното враќање на познатите „ангели“ се очекува идниот месец, по шестгодишна пауза што ја направи овој бренд. На следната модна ревија, која ќе ја води Шер, на пистата ќе чекорат само жени, пренесува „Еуроњус“.

„Ова е женски свет, па разбирливо е што не можете да имате модна ревија без самата мајка на модата – Шер! Возбудени сме што можеме да објавиме дека таа официјално ќе настапи на модното шоу на ‘Викторијас Сикрет’ на 15 октомври“, објави модната куќата на Инстаграм.

Обичајот големите музички имиња да настапуваат на ревиите на „Викторијас сикрет“ постоеше години порано, а досега публиката ја забавуваа, меѓу другите, Тејлор Свифт, Аријана Гранде, Д Викнд и Лејди Гага.

Инаку, се очекува некои од најпознатите „ангели“ – Џиџи Хадид, Тајра Бенкс и Палома Елсесер да се вратат на пистата.

Брендот ја одржа својата последна модна ревија во 2018 година, но изданието за 2019 година беше откажано, не само поради слабиот интерес, туку и поради социјалната осуда поради промовирање на нереални стандарди за убавина и недостаток на инклузивност.

Во мај оваа година тие објавија: „Ги прочитавме вашите коментари и ги слушаме. Модното шоу на „Викторијас сикрет“ се врати и ќе отслика какви сме денес, со сè што знаете и сакате – гламур, писта, крилја, музичка забава и повеќе“.

EXCITING NEWS!

Cher will perform at the Victoria’s Secret Fashion Show 2024! ?? pic.twitter.com/hrOQwnCF63

— Victoria’s Secret. (@vsxarg) September 17, 2024

ВИДЕО | Тајра Бенкс по 19 години се враќа на ревијата на „Викторијас сикрет“: На 50 години ќе прошета во долна облека