фото: EPA-EFE/ANTONIO PEDRO SANTOS

Виктор Ѓекереш имаше 44 голови во 44 натпревари за Спортинг Лисабон

Зад нас е 28 коло во португалскиот фудбалски шампионат во кое се одиграа две дербија и по што бранителот на титулата Спортинг му го отстапи првото место на табелата на градскиот ривал Бенфика.

Спортинг синоќа на домашен терен ремизираше 1:1 со Брага, додека Бенфика го декласираше Порто на гости со 4:1 во неделата навечер.

На шест кола до крајот Бенфика е лидер со 68 бодови, а Спортинг има два помалку.

Напаѓачот на Спортинг Виктор Ѓекереш го постигна тој еден гол за својот тим против Брага, а тоа беше негов 44 гол во 44 одиграни мечеви во сите натпреварувања оваа сезона.

Шведскиот репрезентативец има сезона од соништата, се шпекулира дека на лето го чека голем трансфер, сака со нова титула да се прости од дресот на лисабонскиот тим, но Бенфика влезе во одлична форма и на Спортинг ќе му биде многу тешко да го задржи трофејот во своите витрини.

Како најсериозни кандидати во трката за потписот на Ѓекереш се споменуваат Арсенал и Манчестер јунајтед.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот