Што јаде пред натпревар? Каде се гледа за десет години? Што го прави среќен? На овие, и на уште многу други прашања, само за Слободен печат одговор ни даде дијамантот на македонската фудбалска репрезентација, Елиф Елмас.

СП: Што јадеш наутро, а што пред натпревар?

ЕЕ: Наутро ако сум во Скопје најчесто јадам ајвар со сирење и чај, а пред натпревар секогаш шпагети.

СП: Кој е твојот омилен пејач?

EE: Не знам, би ги издвоил групата ДНК, особено Панчо, бидејќи ми е добар пријател.

СП: Каде се гледа Елмас за 10 години?

Е.Е: Во слаткарницата на моите родители.

СП: Што сака најмногу да прави Елмас во слободно време?

ЕЕ: Надвор од сезона најмногу време поминувам со моето семејство.

СП: Која сезона би ја одвоил како омилена?

ЕЕ: Сезоната 2022-23, кога со Наполи го освоивме Скудетото.

СП:Кои се за тебе најдобрите тренери со кои си соработувал?

ЕЕ: И двајцата омилени мои тренери се од времето кога настапував за Наполи. Тоа се Карло Анчелоти, кој ми беше тренер во сезоната 2018-19 и Лучијано Спалети, кој ми беше тренер во сезоните 2021-22 и 2022-23 со кого ја освоивме италијанската Серија А.

СП: Ако не си фудбалер, што би бил?

Е.Е: Уфф тешко прашање, но мислам дека би бил војник. Специјална единица.

Целото видео може да го погледнете тука.

Елмас го избра и најдобриот тим со кого настапувал во досегашната кариера.  Во својот идеален тим на играчи со кога ја делел соблекувалната вметна петмина играчи од времето кога настапуваше за Наполи, тројца играчи од турски Фенербахче и тројца играчи од Македонската фудбалска репрезентација. Во идеалниот тим на Елмас немаше место за ниту еден соиграч од Ред бул Лајпциг.

Голман: Волкан Демирел (Фенербахче)

Одбрана: Егзијан Алиоски (Македонија), Калиду Кулибали (Наполи), Мартин Шкртел (Фенербахче), Џовани Ди Лоренцо (Наполи)

Среден ред: Енис Барди (Македонија), Пјотр Зиелински (Наполи), Горан Пандев (Македонија)

Напад: Лоренцо Инсиње (Наполи), Дрис Мертенс (Наполи), Робин Ван Перси (Фенербахче)