Познатата водителката и инфлуенсерка, Лила Стојановска на својот инстаграм – профил секојдневно споделува интересни фотографии и видеа. Храна, прекрасни дестинации, модни комбинации како и прекрасни моменти поминати со пријателите и семејството.

Овој викенд водителката заедно со својот син Филип беа поканети на свадбена прослава кај синот на Васка Јанковска, жената која го испеа легендарниот хит ,,Едерлези“ (Ѓурѓовден) во култниот филм ,,Дом за бесење“, а притоа долги години беше дел од бендот на Горан Бреговиќ.

 

View this post on Instagram

 

A post shared by Lila (@lilafilipovska)

Лила на социјалните мрежи сподели дека нејзиниот син Филип и синот на Васка, младоженецот Ален се другари уште од градинка. Според видеата кои водителката ги сподели на својот инстаграм – профил таа и Филип беа едни од највеселите гости.

,,Ма само нека е весело… и онака животот си поминува… каде ќе чукне тапанот таму сум не за џабе рекле ,,кој пее зло не мисли“, а јас богами и пеам и играм… пробајте и вие, терапија за душа е“ – напиша Лила во описот на видеото со кое сподели убави моменти од свадбената прослава.

 

View this post on Instagram

 

A post shared by Lila (@lilafilipovska)

Водителката беше облечена во елегантен розов фустан кој го надополни со розови ракавици. Лила со модниот избор потсетуваше на холивудската дива Мерилин Монро, а нејзиниот син и парираше облечен во сино-сиво одело и бела кошула.

,,Можеби животот не е розов ама барем јас сум розова“ – напиша Лила во описот на фотографии на кои позира во розовата креација.

Многу музика и весели гости, а покрај бројните хитови свадбената прослава не можеше да помине без изведбата на легендарната ,,Едерлези“. Васка Јанковска ја доби наградата за животно дело на овогодинешната јубилејна 25 -та ,,Златна бубамара на популарноста“.