Невреме во Букурешт, Романија / Фото: „Икс“ / X

ВИДЕО+ФОТО: Букурешт столчен од страотно невреме – ветрот корнеше дрвја, дождот направи реки од улиците

Невообичаено снажно невреме попладнево го зафати романскиот главен град Букурешт. Интензивен пороен дожд паѓаше повеќе од еден час и ги поплави улиците, а ветрот, кој дуваше со брзина од 70 километри на час, откорна дрвја и покриви на куќи и згради, пренесоа локалните медиуми.

Невреме во Букурешт, Романија / Фото: „Икс“ / X

Многу возачи останаа заглавени во автомобилите и во сообраќајниот хаос предизвикан од силната луња. Многу автомобили се згмечени од паднати дрвја.

Невреме во Букурешт, Романија / Фото: „Икс“ / X

Поради лошото време, неколку летови од Букурешт полетаа со доцнење, а авионите од Париз, Штутгарт и Клуж-Напока не можеа да слетаат на меѓународниот аеродром „Хенри Коанда“ (Отопени), па беа пренасочени кон Констанца и Крајова, соопштија аеродромските власти.

Невреме во Букурешт, Романија / Фото: „Икс“ / X

– Високата влажност и температурите над просекот придонесуваат за вакви појави, особено бидејќи јуни е највлажниот месец во годината во Романија – изјави за Диџи24 директорката на Националната метеоролошка служба, Елена Матееску. Таа најави дека следуваат периоди на нестабилност и високи температури до 35 степени.

Метеоролозите велат дека јуни е највлажниот месец во годината во Романија, што значи дека може да се очекува интензивен дожд, но и нив ги изненадила силата на невремето што попладнево го погоди Букурешт.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот