Младите сè повеќе се иселуваат од државата со надеж да најдат добро платени работни места. За останатите стандардот на животот во Скопје е неприфатлив, а во тоа е вклучено и паркирањето, кое станува „луксуз“, ем нема паркинг-места, ем тие што ги има се поскапени.

„Слободен печат“ се упати во центарот на градот да ги праша граѓаните: Што е потешко да се најде во Скопје, паркинг или работа?

Повеќето од анкетираните се пожалија дека паркинг-место во Скопје е потешко да се најде отколку работа. Некои пак го велеа и спротивното.

Добивме искрен одговор од една жена која рече дека на тоа прашање нема одговор, бидејќи е очигледно. Градот е преполн со коли.

Една госпоѓа морала да пешачи до работното место по жешките улици бидејќи не можела да најде паркинг.

– Јас сум паркирана на не знам колку километри од центар.

За еден господин паркингот веќе претставува „луксуз“.

Една повозрасна госпоѓа поради недостаток на паркинг-места ја продала нејзината кола.

Неколкумина од анкетираните делумно се согласија дека во Скопје е полесно да се најде паркинг-место отколку работа.