Германскиот тенисер Александер Зверев се пласираше во третото коло на Отвореното првенство на САД откако го победи Британецот Џејкоб Фирнли со 3-0 (6-4, 6-4, 6-4) за два часа и 28 минути игра.

Третиот носител во Њујорк и финалист во 2020 година ја оправда својата улога на фаворит и стигна до третото коло, каде што ќе се сретне со Канаѓанецот Феликс Оже-Алијасим.

Оже-Алијасм со 6-1, 7-6 (4) и 7-6 (5) успеа да слави победи над Роман Сафиулин.

Даниел Алтмајер го победи Гркот Стефанос Циципас со 3-2 (7-6 (7-5), 1-6, 4-6, 6-3, 7-5) во меч што траеше повеќе од четири часа. Следниот противник на Германецот ќе биде Австралиецот Алекс Де Минор.

Де Минор во својот меч излезе како победник во дуелот против Јапонецот Шинтаро Мочицуки со 6-2, 6-4 и 6-2.

Американецот Томи Пол во меч кој траеше четири часа и 28 минути со 7-6 (6), 6-3, 5-7, 5-7 и 7-5 го совлада Португалецот Нуно Боргеш.