Каспер Руд втора година во низа ќе игра финале на Ролан Гарос откако вечерва во полуфиналето го совлада Александар Зверев со 3:0 во сетови 6:3, 6:4 и 6:0.

По минатогодишното финале во кое беше поразен од Рафаел Надал сега ќе игра против Новак Ѓоковиќ кој ќе ја има фаворитската улога против 24-годишниот Норвежанец. Првиот сет започна со голема борба и три долги исцрпувачки гемови. Видовме дури три бејка, но Руд беше првиот кој го зачува својот сервис и го доби сетот со 6:3.

Во вториот сет повторно на почетокот гледавме долги гемови, но брејк имаше само еден. Во седмиот гем Норвежанецот го одзема сервисот на Германецот и таа предност ја задржа добивајќи за 6:4 на крајот од сетот.

Третиот сед помина во целосна доминација на Руд, Зверев како да се откажа и не освои ниту еден гем.

Новак Ѓоковиќ претходно денес беше подобар од Карлос Алкараз со 3:1 во сетови.

? ????????? ???????????

Casper Ruud makes it back-to-back Roland-Garros finals as he defeats Alexander Zverev in three straight-sets! ?#RolandGarros pic.twitter.com/bgXfKDnWZV

— Eurosport (@eurosport) June 9, 2023