На натпреварот од кошаркарската АБА 2 лига помеѓу Борац од Бања Лука и Златибор кој се одигра во вторникот, се случи невиден преседан. Златибор одигра еден дел од натпреварот со шестмина кошаркари, што не го забележаа судиите, но очигледно ниту играчите на теренот.

Како е тоа можно е тешко да се објасни. Златибор дури постигнуваше поени кога имаше шест играчи на паркетот, а тоа беше забележано токму кога одбраната беше поставена човек на човек – а „шестиот“ немаше кого да чува во тој момент.

По околу една минута Златибор повторно имаше пет играчи на паркетот, но ниту тоа не им помогна да победат. Борац забележа триумф од 93:90, по продолжението, а останува да се види дали лигата на крајот ќе покрене постапка и дали ќе има казни за ваков аматерски гаф.

По повод ваквата ситуација се огласи и познатиот хрватски кошаркар и тренер Ацо Петровиќ, кој е зачуден што такво нешто е дозволено на регионално натпреварување:

„Навистина, во спортот сешто може да се види! Но, да, во вчерашниот натпревар од АБА 2 лигата, скоро две минути Златибор игра со шест играчи на теренот, а никој од учесниците тоа да не го забележи е за Гинисовата книга на рекорди – објави Петровиќ и оцени дека најверојатно ќе бидат казнети само судиите.

 

View this post on Instagram

 

A post shared by Tri Korne Penal (@trikorne_penal)