Жирона во шестото коло од најсилното шпанско фудбалско првенство денеска ја забележа и петтата победа по ред, остварена дома над Мајорка со 5:3.

Гостите водеа од четвртата минута со голот на Муриќи кој беше прецизен од белата точка.

До крајот на првото полувреме домаќините реализираа четири голови, израмни Лопез во 26 минута, потоа во 33-та од пенал стрелаше Довбик, за 3:1 се погрижи Мартин, а во листата на стрелците се запиша и Херера (45`).

Савио во 51 минута по асистенцијата на Довбик реализираше за 5:1, а останатите два погодоци на Мајорка ги постигна Пратс во 88. и 95. минута.

Моментно на табелата води Жирона со 16 бодови, пред Реал Мадрид (15) и Барселона (13) кои имаат по еден натпревар помалку.